ललितपुर । महाँकाल गाउँपालिका वडा नं.२ मानिखेलस्थित श्री मानिखेल आधारभूत विद्यालयमा नेपाल कम्युनिष्ट पार्टी(नेकपा) महाँकाल गाउँपालिका समितिको आयोजनामा केही दिन अघि निधन हुनु भएका कम्युनिष्टका पुराना नेता एवं मानिखेल गाविस पूर्वउपाध्यक्ष नोक्तप्रसाद घिमिरेको दु:खद निधन भएको घडीमा श्रद्धाञ्जली सभाको आयोजना मंगलबार गरेको छ।
स्वर्गीय कम्युनिष्ट पार्टीका पुराना नेता एवं मानिखेल गाविस उपाध्यक्ष घिमिरेको श्रद्धाञ्जली सभामा नेपाल कम्युनिष्ट पार्टी(नेकपा) जिल्ला सचिव एवं वाग्मती प्रदेश सांसद राजकाजी महर्जन,महाँकाल गाउँपालिका अध्यक्ष रामचन्द्र दहाल,नेकपा महाँकाल गाउँपालिका सहसंयोजक उमेश शर्मा बजगाँई,नेकपा महाँकाल गाउँपालिका अध्यक्ष अमृतनाथ तिमल्सिना सचिव माधव दुलाल लगायतका नेताहरुले कम्युनिष्ट पार्टीमा दिवंगत पुराना नेता नोक्तप्रसाद घिमिरेले पुर्याउनु भएको योगदानको चर्चासहित भावपुर्ण श्रद्धाञ्जली व्यक्त गर्नु भएको तामाङपेजसँगको सम्पर्कमा नेपाल कम्युनिष्ट पार्टी(नेकपा) का युवा नेता संजय बम्जन तामाङले जनाएका छन् ।
600पटक हेरिएको 
